УИХ-ын хурлын чуулганы өнөөдрийн /2023.06.16/ нэгдсэн хуралдаанаар Монгол Улсын 2023 оны төсвийн тодотголыг эцэслэн баталлаа.

2020 онд 4,6 хувиар агшаад байсан эдийн засаг эрчимтэй сэргэж, 2023 оны эхний хагаст 7,6 хувьд хүрч өссөнөөр ийнхүү иргэдийн бодит орлогыг нэмэгдүүлэх эдийн засгийн боломжийг бий болгож чадлаа хэмээн Сангийн сайд Б.Жавхлан онцоллоо. 

Төсвийн тодотгол хийснээр 7-р сарын 1-ний өдрөөс эхлэн

• Өндөр настны тэтгэврийн зөрүүг ойртуулж, нийт тэтгэвэр авагсдын тэтгэврийг 10% нэмэгдүүлэх
• Халамжийн тэтгэвэр, тэтгэмжийг нэмэгдүүлэх
• Төрийн албан хаагчдын цалинг нэмэгдүүлэх
• Хүүхдийн мөнгийг хүсэлт гаргасан хүүхэд бүрт олгох, сүүлийн 6 сарын хүүхдийн мөнгийг нөхөж олгохоор болоод байна.

Монгол улсын төсвийн орлого 2023 оны эхний хагаст 1,1 их наядаар давж биелсэн.

Цаашид 1,7 их наяд төгрөгт хүрэх төлөвтэй байна.

Төсвийн орлого давж биелэхэд нөлөөлсөн нүүрсний экспорт цаашид өсөлтөө алдахгүй гэж Сангийн сайд Б.Жавхлан хэллээ.