Тайван жагсаал үймээн самуун болон хувирч иргэд МАХН-ын байр руу халдаж, галдан шатаасан нь хүчний байгууллагуудын хүчтэй эсэргүүцэлтэй тулгарсан юм. Жагсаалд оролцогчдоос 700 гаруй хүнийг баривчлан саатуулснаас 300 гаруйг хилсдүүлэн таван сараас таван жилийн хорих ял ногдуулсан. Энэ нь Олон улсын хүний эрхийн түгээмэл тунхаглал болон хүний эрхийн бусад актуудыг зөрчиж байгаа бөгөөд өнөөг хүртэл хэргийг нуун дарагдуулж, гэмт этгээдүүдийг хаацайлж, мартагнуулж байгаатай эвлэрч чадахгүй гэдгээ нийслэлийн АН-ынхан мэдэгдлээ. Шийтгүүлсэн иргэдийг цагаатгаж, нөхөн олговор олгох эрх зүйн орчин бүрдүүлэхийг шаардлагадаа дурдсан байна.