2020.04.23

Ц.Гарамжав: Ард түмэн таван төгрөг, архи дарсанд хуурталгүй сонголт хийхэд анхаарах хэрэгтэй

УИХ-ын чуулганы өнөөдрийн \2020.04.23\ нэгдсэн хуралдаанаар Монгол Улсын Их Хурлын тухай хуулийн шинэчилсэн найруулгын төслийг хэлэлцлээ. 

Энэ үеэр УИХ-ын гишүүн Ц.Гарамжав:

УИХ-ын гишүүн гэж ямар хариуцлагатай, ёс зүйтэй ямар хүн байх юм гэдгийг тогтоох чухал. Гишүүд бүгд хариуцлагагүй мэт бүгд хулгайч мэт харагддаг нийгэм хүлээж авдаг болоод удаж байна. 

Шинэ гишүүний хувьд нэлээн ажиглаж харлаа. УИХ-ын гишүүн наад захын арван жил ажил хөдөлмөрийн талбарт чанагдсан, амьдралд хөлөө бат зогссон хүн орж ирэх хэрэгтэй байна. УИХ-ын гишүүн гэж ямар хүн байх юм, ямар чадвартай, ёс зүйтэй байх юм гэдгийг хуульд тусгах ёстой. 

УИХ-ын гишүүнээр хүний төлөө, нийгмийн төлөө хүнийг сонгох хэрэгтэй байна. Ард түмэн сонголт хийхдээ таван төгрөг, архи дарсанд хуурталгүй сонголт хийхэд ч анхаарах хэрэгтэй. Энэ талаар ямар зохицуулалт орсон бэ? 

Түүний асуултад УИХ-ын гишүүн С.Бямбацогт хариуллаа.