Улсын Их Хурлын ээлжит бус чуулганы өнөөдрийн (2019.03.21) нэгдсэн хуралдаанаар татварын багц хуулийн шинэчилсэн найруулгын төслүүдийн анхны хэлэлцүүлгийг хийж байна.

Зарчмын зөрүүтэй саналын томьёоллоор санал хураах үеэр УИХ-ын зарим гишүүд Төсвийн байнгын хороонд байдаггүй гишүүд төслийг талаар гишүүд хангалттай мэдээлэлгүйгээр санал хураалт явуулж байна гэсэн байр суурь илэрхийлсэн юм. 

Үүнтэй холбогдуулан УИХ-ын гишүүн С.Бямбацогт

"УИХ-ын гишүүд Ирц болон санал хураалтад оролцохгүйгээр тааллаараа аль ч байнгын хорооны хуралдаанд суух эрхтэй байдаг. Тэгэхээр зөвхөн Төсвийн байнгын хороо хаалттай хуралдаад, мэдээлэлгүй чуулганд оролцож байна гэж хэлэх нь буруу байхаа. Тэгэхээр бид аль ч байнгын хорооны хуралд оролцоод асуулт, асууж, санал хэрэх эрхтэй байгаа. Хөөн хэлэлцэх хугацаан 5 жил байсныг 4 жил болгосон нь татвар төлөгчдөдөө ашигтай юмаа" гэсэн байр суурь илэрхийллээ.