УИХ-ын чуулганы /2025.04.03/-ны өдрийн хуралдаанаар Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүдийн асуултад УИХ-ын гишүүн, ХЗБХ-ны дарга Д.Цогтбаатар хариуллаа. 

УИХ-ын гишүүн Д.Цогтбаатар:

Хууль тогтоомжийн тухай хуулиар юуг зохицуулж, юуг зохицуулахгүй вэ гэдгийг тодотгож өгөх юм. Гэтэл өнөөдөр дунд шатны дарга нар өөртөө эрх олгоод шийдчихсэн маш их журам байна. Энгийн жишээ хэлэхэд манай улс авлигалын рейтингээр арагшаа явчихсан. Үүний шууд нөлөө нь хуулиар заагдаагүй эрхийг дарга нар өөртөө авчихсан.

Энэ нь жинхэнэ хүнд суртлын үүсгэнэ, хүнд суртал нь авлига өгөх зайлшгүй шаардлагыг бий болгосон юм. Ганцхан Зөвшөөрлийн хуульд өөрчлөлт оруулснаар нийгмийн том асуудал шийдэгдэхгүй. Харин Хууль тогтоомжийн тухай хуульд өөрчлөлт орсноор хүнд сурталтнуудын амьдралыг хүнд сурталтай болгож өгч байгаа юм. Үүний үр дүнд иргэдэд очих ачааллыг хөнгөлөх зорилго юм.

Сэтгүүлч

Сэтгүүлч Ц.Соёлмаа soyolmaa@vip76.mn