УИХ-ын сонгуулийн 9-р тойрогт Монгол Ардын Намаас нэр дэвшигч Өлзий-Оршихын Сумъяабаатарыг танилцуулж байна. 

Монгол Улсын Засаг захиргааны нэгжид анхан шатнаас нь “мерит” зарчмаар ахин, дэвшиж ажиллаж яваа хүн бол Өлзий-Оршихын Сумъяабаатар. Өнгөрсөн 4 жилийн хугацаанд Нийслэлийн Баянгол дүүргийн Засаг даргаар ажиллаж, хөрөнгө оруулалт, бүтээн байгуулалтыг жинхэнэ өрнүүлж чадсан гэдгийг тойргийн иргэд нь гэрчилдэг. 

Ө.Сумъяабаатар, МУИС-ийг Улс төр судлаач, Нийгмийн ухааны багш мэргэжлээр төгсөн, ШУА-ийн Философи, социологи эрхийн хүрээлэнд Улс төр судлалын магистрын зэрэг хамгаалж, Сингапур, Канад, АНУ, БНСУ-д мэргэжил дээшлүүлжээ. Тэрээр ШУА-ийн Философи, социологи эрхийн хүрээлэнд Эрдэм шинжилгээни ажилтнаас эхлээд МАН-ын Удирдах зөвлөл, Намын ерөнхий нарийн бичгийн даргын туслах, БГД-ийн ИТХ-ын төлөөлөгч, Тэргүүлэгч, ИТХ дахь МАН-ын бүлгийн дарга, БГД-ийн Засаг дарга хүртэлээ улс төрийн сонгуульт ажилд дэвшин ажиллаж ирсэн. 

2020 оноос Баянгол дүүргийн засаг даргаар ажиллах хугацаандаа 33,1 км авто зам, 3000 гаруй гарашийг буулгаж, 70,200 км/квадрат газрыг чөлөөлсөн.28 хорооны 90 байршилд явган хүний зам, 113 байршилд тоглоомын талбай, тохижилтын ажил хийж, 15 хорооны  30 байранд фасад, дулаалга, 20 хорооны 70 байрны дээврийн засвар, 3-н хороог камержуулах “Ногоон бүс” төслийг хэрэгжүүлж эхэлсэн бөгөөд 6 сругууль, 10 цэцэрлэгийн барилгыг ашиглалтад оруулаад байна. 

МАН-ын мөрийн хөтөлбөр - “20 минутын хот”

• Оршин суугаа газраасаа 400 метр дотор амарч, тухлах ногоон байгууламж, цэцэрлэгтэй болно. 

• Нийслэл хотыг 14 хотод хуваана. Хот тус бүрийг бие даан хөгжүүлж, иргэн бүр төрийн үйлчилгээг “20 минут” дотор авах их өгөгдөлд тулгуурласан цахим төлөвлөлт бүхий нэгдсэн стандарт тогтоно. 

• Гандантэгчэнлин хийд орчмын орон зайг “Далх, Тасганы дэнжийн Үндэсний соёлын өвийн дурсгалт газар” концепцоор хөгжүүлж “Буддын шашны соёлын өвийн цогцолбор” болгоно.

Сэтгүүлч

Редактор Ц.Соёлмаа soko@vip76.mn