УИХ, орон нутгийн сонгуулийг зэрэг явуулах, салгах талаар УИХ дахь АН, МАН-ын бүлгийнхэн байр сууриа нэгтгээгүй байна. Энэ талаар УИХ-ын дэд дарга Н.Энхболд “Хэрэв сонгуулийн тогтолцоо дан пропорциональ байсан бол маргаан үүсэхгүй байсан” гэж байлаа.Анхнаасаа УИХ дахь намын бүлгүүд сонгуулийг цэвэр пропорциональ тогтолцоогоор хийнэ гэж байсан ч яваандаа МАН-ын бүлгийнхэн цэвэр мажоритарийг үлдээнэ гэж, улмаар мажоритар, пропорциональ холимог болгон УИХ-ын сонгуулийг баталсан нь өнөөдөр хоёр сонгуулийг хамт хийхэд тээг учруулжээ.