УИХ-ын гишүүд өнгөрсөн хаврын чуулганаар хэлэлцэхээр баталсан жагсаалтынхаа 80 хувьтай тэнцэх хуулийн төслийг хэлэлцэн баталжээ.

Тодруулбал энэ хугацаанд 158 хууль тогтоомжийн төслийг өргөн барьснаас 136-г нь хэлэлцэн баталдсан, хаврын чуулганаар хэлэлцэх асуудлын жагсаалтад ороогүй хэд хэдэн хууль тогтоомжийн төслийг шийдвэрлэсэн байна.

Энэ сарын 10-нд хаврын чуулган завсарлахад дараах 5 байнгын хороо ажлын тайлангаа танилцууллаа. 

Харин Аюулгүй байдал, гадаад бодлогын, Төсвийн болон Хууль зүйн байнгын хороод ажлын тайлангаа танилцуулсангүй.   

Хэлэлцсэн гол хуулиуд

Нийгмийн бодлого, боловсрол, соёл шинжлэх ухаан

• Хүүхэд харах үйлчилгээний тухай хууль
• Төрөөс тэтгэврийн шинэчлэлийн талаар баримтлах бодлого болон Тэтгэврийн даатгалын шимтгэлийн нэрийн дансны тухай хуульд нэмэлт оруулах тухай
• Хөдөлмөрийн аюулгүй байдал, эрүүл ахуйн тухай хуульд нэмэлт, өөрчлөлт оруулах тухай

Төрийн байгуулалтын байнгын хороо

• Нийтийн сонсголын тухай хууль
• Хөрөнгө оруулалтын тухай хуульд нэмэлт өөрчлөлт оруулах тухай хууль 
• УИХ-ын 2015 оны хаврын ээлжит чуулганаар хэлэлцэх асуудлын тухай УИХ-ын тогтоол
• Хууль тогтоомжийн тухай хууль
• Захиргааны ерөнхий хууль зэрэг нийт 14 хууль батлан гаргасан.

Байгаль орчин, хүнс, хөдөө аж, ахуйн байнгын хороо

• Ойн тухай хуульд нэмэлт өөрчлөлт оруулах тухай
• Байгаль орчныг хамгаалах тухай хуульд нэмэлт өөрчлөлт оруулах тухай
• Засгийн газрын тусгай сангийн тухай хуульд нэмэлт оруулах тухай
• Эрүүгийн хуульд нэмэлт оруулах тухай   
• Газрын тухай хууль

Эдийн засгийн байнгын хороо

• Хот, суурин газрыг дахин хөгжүүлэх тухай хууль,
• Үйлдвэрлэлийг дэмжих тухай хууль
• Монгол Улсын эдийн засаг, нийгмийг 2016 онд хөгжүүлэх үндсэн чиглэл
• Төрөөс аж үйлдвэрийн болон Эрчим хүчний талаар баримтлах бодлого
• Төрийн өмчийг 2015-2016 онд хувьчлах, өөрчлөн байгуулах үндсэн чиглэлийг тодорхойлсон.