Уулзалтын эхэнд ХХААХҮ-ийн сайд Б.Батзориг хоёр орны дипломат харилцаа, хамтын ажиллагаанд өндөр хувь нэмэр оруулж байгаад Элчин сайдад талархав.

Уулзалтын үеэр Эрхүү мужийн талаас үр тариа нийлүүлэх, монгол малын эрүүл мэндийг хамгаалах, үүлдэр угсааг сайжруулах тал дээр хамтарч ажиллах, жимс, жимсгэнэ боловсруулах хамтарсан үйлдвэр байгуулах зэрэг санал тавилаа.

Монголын талаас ОХУ-ын Эрхүү муж руу мах экспортлох хүсэлтэй байгаагаа илэрхийлсэн.

Талууд хоёр орны уламжлалт найрсаг харилцааг хөдөө аж ахуйн салбарт улам өргөжүүлэн хөгжүүлэх тал дээр санал нэгдлээ.