Говь Алтай аймгийн Ерөнхий боловсролын сургуулиудын ахлах ангийн сурагчдад ажил мэргэжлийн чиг баримжаа олгох, ирээдүйн мэргэжлээ сонгоход нь туслах, мэргэжил арга зүйн зөвлөгөө өгөх зорилгоор “Мэргэжлээ зөв сонгох нь өдөрлөг”-ийг 2023 оны 05 дугаар сарын 12-ны өдөр зохион байгууллаа.

• Тус өдөрлөгийг УИХ-ын гишүүн Б.Энх-Амгалангийн ажлын албанаас санаачлан тус аймгийн Гэр бүл, хүүхэд, залуучуудын хөгжлийн газар, Боловсрол, шинжлэх ухааны газар, Хөдөлмөр, халамжийн үйлчилгээний газар хамтран зохион байгуулсан юм.
• Өдөрлөгийн хүрээнд зочин илтгэгчдийн мэргэжлээ хэрхэн сонгох вэ, хувь хүний хөгжил, цахим хөгжил ба мэргэжил сонголтын талаар #лекцүүд, Их, дээд сургуулиудын танилцуулга, орон нутгийн Төрийн байгууллагууд танилцуулга хийж, мэргэжлээ сонгох гэж буй сурагчдад мэргэжил аргазүйн зөвлөгөө, мэдээлэл өглөө.
• Мөн Төрийн цахим үйлчилгээний хэлтэс, Монгол банкны Говь-Алтай аймаг дахь салбар, АШУҮИС-ийн Говь-Алтай аймаг дахь Анагаах ухааны сургууль, Мэргэжлийн сургалт үйлдвэрлэлийн төв хамтран ажиллаж, АДБ-ийн Алтай чуулгын дэргэдэх “Хан хуур” сургалтын төвийн авьяаслаг сурагчид мэндчилгээ дэвшүүллээ.