Нийслэлийн Засаг Даргын орлогч, НИТХ-ын төлөөлөгч З.Төмөртөмөө Чингэлтэй дүүрэгт амьдардаг 10 хүүхдэд "Сан" их сургуульд 100 хувийн тэтгэлэгтэй суралцах боломжийг олгож байна.

Хүссэн сургуульдаа орж чадаагүй, төлбөрийн асуудлаар элсээгүй залууст ийнхүү боломжийг олгоод буй юм. Тэрбээр,

"Сурах мэдэх хүсэл байхад бусад нь үнэндээ огт ичих зүйл биш юм. Чингэлтэй дүүргийн 10 залууст 100% тэтгэлэг өгье өө. "Сан" гээд их сургууль байдаг юм. Миний магистрын зэрэг хамгаалсан сайхан сургууль бий. Багш маань надад тойргийн 10-н залуусаа үнэ төлбөргүй сургаарай хэмээн боломж олгов. Маш их баярлалаа. Хаана сурах хамгийн чухал асуудал биш, харин хэрхэн сурах их чухал шүү дүү нар минь" гэжээ.

Суралцах хүсэлтэй залуус ердөө л Чингэлтэй дүүрэгт амьдардаг байх, Сурах чин хүсэлтэй л байхад болох аж.Түүнчлэн оюутан залууст хичээлийн хажуугаар ажил хийж орлоготой байлгах бодит боломжийг олгож байгаа юм байна.