Д.Тэрбишдагва: Халх голын 75 жилийн ойгоор дайнд оролцсон ахмадуудыгаа урина
“Focus talk” нэвтрүүлгийн зочноор Монгол улсын шадар сайд Д.Тэрбишдагва оролцож байна.
-Зуны дэлгэр сайхан өдрүүдэд монголчууд наадсан. Баяр наадмын комиссын бүрэлдэхүүн маань баяр наадмыг ямар хүрээнд тэмдэглэж өнгөрүүлэв. Батлагдсан төсөвдөө багтаан төсөвлөж чадав уу? Энэ талаар ярилцлагаа эхлье.
-Баярлалаа. Зуны дэлгэр цагт монголчууд ууц тэнийж амардаг сар л даа. Баяр наадам болж монгол түмний бахархал омогшил, түүх шашитар монгол туургатны бахархал болсон энэ баяраа зөвхөн монголын Улаанбаатар биш монголын ард түмэн найман настай балчраас 80 настай буурлууд тэмдэглэдэг сайхан баяр юм.
Манай монголыг баярыг зөвхөн монголчууд үзээд зогсохгүй дэлхий нийтээр үздэг баяр болж байна.
Гадна дотноноос олон сэтгүүлчид ирж зураг авалт хийж дэлхийд монголыг сурталчилж байгаа хэрэг юм.
Наадмыг зохион байгуулах комиссын даргын хувьд бид баяр наадмыг өнгөрсөн жилд нэлээн өргөн хүрээтэй тэмдэглэж, хүй долоон худгийг тохижуулах ажлыг эхэлснээс хойш өргөжиж байна.
Тиймээс өргөжүүлж зөв зохион байгуулахын тулд бид цагийг нь тулгаж биш гурван сараас эхлэж бид бэлтгэл ажлаа хангаж бүтээн байгуулалтын ажлыг төлөвлөж, салбар комиссын хуралдааныг зохион байгуулж ингэж ажилсны үр дүнд баяр наадмын үйл ажиллагаа гайгүй болсон.
Гэхдээ баяр наадмын үйл ажиллагааг би өөрөө үнэлэхгүй ард түмэн үнэлэх байх. Төв цэнгэлдэх хүрээлэн дүүрэн сайхан наадам боллоо гэж ард түмэн ам сайтай байлаа. Бид нөгөөдрийн засгийн газрын хуралдаанаар энэ жилийн баяр наадмын үйл ажиллагааны талаар ямархуу ажил төрөл хийсэн хэрхэн дүгнэгдэж буй талаар засгийн газрын хуралдаан дээр танилцуулна.
Дараагийн наадмыг одооноос эхэлж ярих ёстой учраас бүтээн байгуулалтыг ажлыг одооноос төлөвлөж дараа жилийн бүтээн байгуулалтыг эртнээс эхэлж байгаа юм. Хүй долоон худгийг талбайд монгол туургатны, монголын олимп гэдэг шиг нүүдэлчин монголын тэр том наадмын төв болгож зөвхөн гурван өдөр наадах бус жилийн дөрвөн улирал наадам зохион байгуулах бодолтой одооноос үйл ажиллагаагаа эхлээд явж байна. Олон жил үргэлжлэх байх.
-Энэ жил бас түүхэн ой тохиож байгаа нь бол Халх голын 75 жилийн ой тохиож байна. Таны хувьд Монгол-Оросын засгийн газар хоорондын комиссын Монголын хэсгийн комиссын дарга байгаа шүү дээ. Тэгэхээр энэ ойн хүрээнд ойг тэмдэглэх ажлын явц ямар байгаа вэ?
Ер нь аливаа ажлыг төлөвлөж урьдчилан зохион байгуулах юм бол ажил сайн явагддаг. Мөн ялгаа байхгүй халх голын түүхт 75 жилийн түүхт ой үнэхээр Монгол улсын ах дүүгийн, ган бат, найрамдлын тэмдэг болж Монгол улсын тусгаар тогтнолыг хамгаалах чухал үүрэг гүйцэтгэсэн агуу их том ялалтын баярыг бид тэмдэглэн өнгөрүүлэхээр ажлын хэсгийн даргаар томилсон.
Үүнийг оны эхнээс эхэлж зохион байгуулж байна. Хүүхдүүдийн дунд халх голыг хэн сайн мэдэх ва тэмцээнээс эхлээд л, эрдэм шинжилгээний хурал, одоо түүхт ойд зориулсан их олон арга хэмжээ зохион байгуулагдаж явж байна.
Түүний дотор дайнд оролцож байсан ахмадуудыгаа оролцуулах, хүмүүсийн нас голдуу 90 дээш настай хүмүүс байгаа. Хэрвээ тэд оролцож чадахгүй бол тэдний үр хүүхэд, ач зээ нь оролцуулах тэр ажлыг ялангуяа Оросын холбооны улсаас тодорхой төлөөлөгч нарыг урьж байна. Энэ ажил сайн хийгдээд зохион байгуулалтын хувьд бэлтгэл хангагдсан.
