Долоо хоног бүрийн пүрэв гаригт зохион байгуулдаг “Ерөнхий сайдын 30 минут” уулзалт ярилцлага  Улаанбаатар-Сайншандын  автозамын  325 дахь километрт боллоо.  Монголын  Мянганы сорилтын сангийн  Автозамын төслийн хүрээнд барьж ашиглалтанд оруулсан Чойр Сайншанд чиглэлийн 176,4 км замын нээлтэд оролцох үеэрээ Ерөнхий сайд сэтгүүлчдэд мэдээлэл хийж, асуултад хариуллаа.

Ерөнхий сайд өнгөрсөн долоо хоногт хийсэн гол ажлуудынхаа талаар мэдээлэл өгсний дараа сэтгүүлчдийн сонирхсон асуултад хариуллаа.

Шинэчлэлийн Засгийн газар энэ жил зургаан аймгийн төвийг хатуу хучилттай авто замаар холбох зорилтын хүрээнд өнгөрсөн долоо хоногт Баянхонгор аймгийн автозамыг хүлээн авсан. Өнөөдөр Дорноговь аймаг Улаанбаатар хоттой хатуу хучилттай автозамаар холбогдож байна. Энэ бол зөвхөн Улаанбаатар-Дорноговийн зам биш ОХУ, БНХАУ-ыг холбосон Монголын босоо тэнхлэгийн автозамын нэгэн чухал хэсэг гэдгээрээ ач холбогдолтой гэж уулзалтын эхэнд Ерөнхий сайд онцоллоо.

 Засгийн газар экспортын орлогыг нэмэгдүүлэх чиглэлээр тодорхой ажлууд хийж байна. Өнөөдөр Таван толгойд Баруун Цанхийн ордыг олборлож эхэллээ. Баруун Цанхиас энэ жил хоёроос гурван сая тонн нүүрс нэмж олборлоод экспортонд гаргаж валютын орлогыг нэмэгдүүлэх арга хэмжээ авч байна гэлээ.

Ерөнхий сайд өнгөрсөн долоо хоногт хийсэн гол ажлуудынхаа талаар мэдээлэл өгсний дараа сэтгүүлчдийн сонирхсон асуултад хариуллаа.