2012.02.07
Багануурын уурхай 7-8 хоногийн нөөцтэй байна
Багануурын нүүрсний уурхайд хомсдол үүссэний улмаас нүүрсний үнэ нэмэгдэх гэж буй гэх мэдээлэл иргэдээс ирж байна. Хэдийгээр -40 хэмийн хүйтэнд нүүрсний уурхайд олборлолт хийх хориотой ч Багануурын нүүрсний уурхай үйл ажиллагаагаа зогсоовол цахилгаан станцуудын хэвийн ажиллагаа доголдох юм. Тус уурхай иргэдийн хэрэгцээнд зориулж, хоногт 190-200 вагон /нэг вагон нүүрс нь 65 тоннтой тэнцэнэ/ нүүрс нийлүүлдэг гэнэ.
Албаны эх сурвалжийн мэдээллээр Багануурын нүүрсний уурхай нь ДЦС-2, 3-ын нүүрсний бүх хэрэглээг хангадаг бол ДЦС-4-ийн нийт нүүрсний хэрэглээний 70-80 хувийг дангаараа нийлүүлдэг ажээ. ДЦС-ууд хоногт 160-170 вагон нүүрс зарцуулдаг байна. Одоогоор Багануурын нүүрсний уурхай 7-8 хоногийн нөөцтэй байгаа гэнэ.
Хэрэв тус нүүрсний уурхай нэг л хоног түр зогсолт хийвэл нийслэлийн дулаан, цахилгааны хангамжид багагүй хүндрэл үүсэх тул олборлолтоо үргэлжлүүлсээр байгаа ажээ.
Экспертүүдийн сэтгэгдэл
Одоогоор сэтгэгдэл нэмэгдээгүй байна. 
