"Шарын гол" ХК-ийн нүүрсний уурхайн нөөцийг 146.3 сая тонн хэмээн тооцоолсныг Ашигт малтмалын- газраас баталгаажуулж, Монголын ашигт малтмалын нөөцийн нэгдсэн санд бүртгэсэн байна. Шарын голын нүүрсний уурхайн өрөмдлөгийн ажлыг 2010 онд дуусгасны дараа 2011 оны сүүлээр хайгуулын ажлыг ГОК.С стандартын дагуу явуулснаар хагас битумтай тослог нүүрсний нөөцийг 374 сая тонн гэж тогтоогоод байсан. Энэ нь өмнөх нөөцөөс хоёр дахин их хэмжээ юм. Шарын голын уурхайн нөөц ийн тогтоогдсон нь гадаад, дотоодын хөрөнгө оруулагчдын сонирхлыг ихээр татжээ.