Говийн бүсийн дөрвөн аймгийн Ойн ангийнхан Өмнөговь аймагт чуулж байгаа юм. Говийг ойжуулагч хамт олонд баяр хүргэе.

Өмнөговь аймгийн ойн сангийн нийт талбай 1.2 сая/га, Байгалийн ойд Заг 566 мян/га, Тоорой 570 га талбайд тархан ургаж байна. Заган ойн сангийн талбайгаараа улсдаа 2 дугаарт, таримал ойн сангийн талбайгаараа улсдаа 1 дүгээрт ордог ба таримал ойн сан байгуулах арвин туршлагатай аймаг бол Өмнөговь юм.

Монгол-Солонгос 2 улсын Засгийн газрын хамтарсан “Ногоон хэрэм” төслийг элсний нүүдэл, шар шороон шуурганаас хамгаалах зорилгоор ойн зурвас байгуулах ажлыг 2008 оноос Өмнөговь аймагт хэрэгжүүлж эхэлсэн.

Төслийн хүрээнд Даланзадгад суманд таримал ойн зурвасыг 50 га бүхий 11 хэсэгт нийт 550 га-д, Булган суманд загаар ойжуулах ажлыг 11 хэсэг нийт 1540 га талбайд тарьж ургуулан хүлээлгэж өгснийг Сум дудын ойн анги үйл ажиллагааг нь үргэлжлүүлэн орон нутгийн төсвийн хөрөнгөөр авч явж байна.