АНУ-ын ЭСЯ-ны дипломат аюулгүй байдлын албанаас бүртгэлийн байгууллагын албан хаагчдад “Хуурамч баримт бичгийг таних, баримт бичгийн түгээмэл нууцлалууд, тэдгээрийг таних арга техник эзэмших” зэрэг асуудлуудын хүрээнд зөвлөмж өгч, сургалт зохион байгууллаа.

Сургалтад УБЕГ-ын холбогдох албан хаагчид танхимаар, 21 аймаг, 9 дүүргийн Улсын бүртгэлийн хэлтсийн улсын /ахлах/ бүртгэгч нар цахимаар оролцов.

Энэхүү сургалт нь хуурамч баримт бичгийг таньж илрүүлэх, залилах гэмт хэргээс урьдчилан сэргийлэх чиглэлээр онолын мэдлэг болон практик дадал олгосон ач холбогдол бүхий сургалт юм.