УИХ-ын гишүүн Д.Очирбат Чингэлтэй дүүргийн ахмадуудад зориулсан амралт, сувиллын газар байгуулж, нээлтийг нь хийжээ. Энэ нь түүний сонгуулийн мөрийн хөтөлбөрт тусгасан зорилтын нэг юм. Уг амралт сувилалд Чингэлтэй дүүргийн иргэд 50 хувийн хөнгөлөлттэй үнээр үйлчлүүлэх эрхтэй гэдгийг нээлтийн үеэр Д.Очирбат гишүүн онцолж байв. Орчин үеийн сувиллын шаардлагыг хангасан тоног төхөөрөмж бүхий энэхүү амралт сувилалд мэргэжлийн эмч нар ажиллаж, ахмадуудад үйлчлэх юм байна.