Намрын чуулганы завсарласнаар УИХ-ын гишүүн, ТББХ-ны дарга А.Бакей, УИХ-ын гишүүн, УИХ-ын Тусгай хяналтын дэд хорооны дарга Г.Батхүү, Зам тээврийн дэд сайд Х.Ержан нар Баян-Өлгий аймагт ажиллав

2015 оны 03 дугаар сарын 08-10-ны өдрүүдэд УИХ-ын гишүүн, ТББХ-ны дарга А.Бакей Баян-Өлгий аймгийн Улаанхус, Цэнгэл, Ногооннуур, Толбо сумдын ард иргэдтэй, 03 дугаар сарын 11-ний өдөр УИХ-ын гишүүн, Г.Батхүү, Зам тээврийн дэд сайд Х.Ержан нар  Өлгий сумын ард иргэдтэй уулзлаа.

Гишүүд уулзалтын үеэр УИХ-ын намрын чуулганд хийж амжуулсан ажлуудыг товч тайлагнаж, улс орны нийгэм эдийн засгийн байдал, эдийн засгийн хүндрэлийн даван туулах чиглэлээр авч буй арга хэмжээнүүдийн тухай, мөн их эвслийн Засгийн газар байгуулах болсон шалтгааны талаар иргэдийн тавьсан асуултанд хариулт өглөө.