УИХ дахь Нутгийн удирдлагын дэд хороо Төрийн байгуулалтын байнгын хороотой хамтран орон нутгийн Иргэдийн хурлын төлөөлөгчдийг чадавхижуулах сургалтуудыг зохион байгуулсаар байгаа билээ.

Энэ хүрээнд Хэнтий, Төв аймгууд болон Хан-Уул, Баянгол, Сүхбаатар дүүргүүдийн иргэдийн хурлын төлөөлөгчдөд хууль эрхзүйн ойлголт өгөх сургалт зохион байгуулагджээ.

Энэхүү ажлын үргэлжлэл ээлжит бус чуулганы дараа Ховд аймгийн 16 сум болон төвийн Иргэдийн хурлын төлөөлөгчдөд УИХ-ын Нутгийн удирдлагын дэд хорооны дарга Д.Батцогт, Төрийн байгуулалтын байнгын хорооны дарга А.Бакей, байнгын хорооны зөвлөхүүд “Орон нутгийн шийдвэр гаргах түвшинд иргэдийн оролцоог нэмэгдүүлэх, арга зам, аргачлал”, “Аймаг, сумын ИТХ-ын хорооны үйл ажиллагааг тогтмолжуулах нь” зэрэг дөрвөн чиглэлээр сургалт явуулжээ.