Нийслэлийн мэргэжлийн хяналтын газрын дарга Л.Бямбасүрэнг албан үүргээ хангалтгүй гүйцэтгэсэн хэмээн хотын даргын захирамж гарч түүнийг ажлаас нь чөлөөлсөн.

Хэсэг хугацаанд түүний орон зайг тус газрын дэд даргаар ажиллаж байсан М.Ням-Очир орлож байсан бөгөөд улмаар НМХГ-ын даргаар томилогдсон юм. Тиймээс эзэнгүй байсан дэд даргын суудалд С.Даваасүрэнг томилжээ. Тэрээр өмнө нь НМХГ-ын Экспорт, импортын хэлтсийн даргаар ажиллаж байсан бөгөөд тус хэлтсийн ахлах байцаагч Ж.Чүлтэмсүрэнд ажлаа хүлээлгэн өгсөн байна.