2012.10.08
“Сайншанд” аж үйлдвэрийн паркийн ажлыг эрчимжүүлэх зөвлөлийг байгууллаа
Шинэчлэлийн Засгийн газрын хэрэгжүүлэх үйл ажиллагааны хөтөлбөрт уул уурхайн бүтээгдэхүүнийг боловсруулах зорилгоор аж үйлдвэрийн анхны паркийг Дорноговь аймгийн Сайншанд хотод байгуулахаар тусгасан. Үүнийг хэрэгжүүлэх, парк байгуулах ажлыг эрчимжүүлэх үүрэг бүхий “Сайншанд” аж үйлдвэрийн парк байгуулах ажлыг удирдан зохион байгуулах үүрэг бүхий зөвлөлийг Засгийн газрын тогтоолоор шинэчлэн байгууллаа. Зөвлөлийг Үйлдвэр, хөдөө аж ахуйн сайд Х.Баттулга даргалж, гишүүдээр нь Гадаад харилцаа, Эдийн засгийн хөгжил, Зам тээвэр, Уул уурхай, Барилга хот байгуулалт, Батлан хамгаалах, Сангийн болон Хөдөлмөрийн сайд нар ажиллана.
Гаднах болон доторх дэд бүтцийг барьж байгуулах, техникийн судалгааны ажил, санхүүгийн, хуулийн, арилжааны болон байгаль орчны суурь судалгаа, ерөнхий зөвлөх үйлчилгээний зэрэг хийх ажлын төлөвлөгөө, шаардагдах хөрөнгийн дүнг яаралтай гаргаж, Засгийн газрын хуралдаад танилцуулахыг Зөвлөлийн дарга, Үйлдвэр, хөдөө аж ахуйн сайд Х.Баттулгад үүрэг болголоо.
Экспертүүдийн сэтгэгдэл
Одоогоор сэтгэгдэл нэмэгдээгүй байна. 
