Тухайлбал, Сонгогчдын нэрсийн жагсаалтад бүртгэгдсэн эсэхийг www.burtgel.mn гэсэн хаягаар орж шалгаж болно. Сонгогчдын нэрсийн жагсаалтыг Улсын бүртгэлийн ерөнхий газраас өнгөрсөн гуравдугаар сарын 15-наас нийтэд танилцуулж эхэлсэн билээ.

Сонгогч өөрийнхөө нэрийг сонгогчдын нэрийн жагсаалтад бүртгэлтэй байгаа эсэхийг энэ сарын 18-наас өмнө шалгасан байх шаардлагатай юм. Хэрэв таны нэр сонгогчдын нэрсийн жагсаалтад бүртгэгдээгүй, эсвэл буруу бүртгэгдсэн байвал гомдлоо харьяа сум, дүүргийн хэсгийн хороондоо гаргана. Таны гомдлыг тэд ажлын хоёр өдрийн дотор шийдвэрлэж өгөх үүрэгтэй аж. Харин санал авах өдөр сонгогчдын нэрсийн жагсаалтад аливаа өөрчлөлт оруулахыг хуулиар хориглосон байна.