Нийт найман нам, хоёр эвслээс 345 нэр дэвшигчийнхээ материалыг тус хороонд өгсөн аж. Нийслэлийн сонгуулийн хороо тэдгээр материалуудыг хянаж үзээд хуулийн дагуу бичиг баримтаа бүрдүүлээгүй зарим нэр дэвшигчийг бүртгэхээс татгалзсан байна. Улмаар нам, эвслүүд тухайн зөрчлөө арилгаад дахин бүртгүүлэх эсвэл өөр хүн нэр дэвшүүлэхээр 46 хүний материалыг дахин бүрдүүлж өгсөн ажээ.

НИТХ-ын сонгуульд есөн бие даагч нэрээ дэвшүүлснээс дөрөв нь хуулийн дагуу баримт бичгээ үнэн зөв бүрдүүлсэн бөгөөд нэр дэвшигчийн үнэмлэхээ ч гардаж авчээ. НИТХ-ын сонгуульд бие даан нэр дэвших гэж байгаа бол 201 хүний гарын үсэг цуглуулах ёстой. Нэр дэвших эрхээ хасуулсан таван хүн нэг хүнээр хоёр удаа гарын үсэг зуруулсан гэх мэт зөрчил гаргажээ.