Иргэд саналаа өгсний дараа санал тоолох автомат машинд хийх бөгөөд буруу тэмдэглэл хийсэн бол нэг удаа саналын хуудсаа сольж болно. Автомат машин тусгай түлхүүр, нууц үгээр нээгддэг юм байна. Санал авч эхлэхийн өмнө томилогдсон тусгай даамал түлхүүрээр нээж, хэсгийн хорооны нэг гишүүн нууц үгийг тайлах юм байна. Автомат машин илүү, эсвэл дутуу тэмдэглэгээ хийсэн саналын хуудсыг бүртгэж авах ч хүчинтэйд тооцохгүй гэнэ. Санал хураалт 07:00-20:00 цаг хүртэл үргэлжилнэ. 20:00 цагаас хойш саналын хуудсыг тоолж эхэлнэ.