ус төсөл нь сургалт, хакатон, менторшип хөтөлбөрийн хүрээнд Орхон, Булган, Хөвсгөл аймгуудад хэрэгжиж, орон нутагтаа бие даасан, манлайлал үзүүлсэн, санаачлагч иргэнийг төлөвшүүлэх зорилготой.

Төсөл хэрэгжсэнээр:

✅ Хувь хүний түвшинд:

• Өөрийгөө таних, үнэлэх чадвар нэмэгдэнэ – давуу болон сул талаа таньж, өөртөө итгэх итгэл нэмэгддэг.
• Амьдралын зорилго, чиг баримжаа тодорхой болно – тухайн хүн юу хүсэж буйгаа ойлгож, зорилгодоо хүрэх төлөвлөгөө гаргаж сурна.
• Хувийн чадварууд хөгжнө – харилцааны ур чадвар, цагийн менежмент, бүтээлч сэтгэлгээ, стрессийн удирдлага зэрэг амьдралд зайлшгүй шаардлагатай “зөөлөн ур чадварууд” сайжирна.
• Ажлын бүтээмж дээшилнэ – хариуцлага, тууштай байдал, зорилгодоо хүрэх чадвар нэмэгдсэнээр ажил, сурлагын амжилт ахина.

✅ Хамт олон, байгууллагын түвшинд:

• Эерэг харилцаа, хамтын ажиллагаа сайжирна – хувь хүний хандлага, харилцах чадвар сайжирснаар хамт олны уур амьсгал сайхан болдог.
• Манлайлал, шийдвэр гаргах чадвар дээшилнэ – хувь хүмүүс илүү хариуцлагатай, санаачлагатай болж, манлайлагчид бий болно.

✅ Нийгмийн түвшинд:

• Идэвхтэй, хариуцлагатай иргэд нэмэгдэнэ – хувь хүний хөгжил нь нийгмийн хөгжилд хөшүүрэг болдог. Идэвхтэй, сэтгэлгээтэй, ёс зүйтэй иргэд нийгмийн тогтвортой байдалд хувь нэмэр оруулна.
• Ажилгүйдэл, ядуурал буурна – хувийн чадвараа хөгжүүлсэн хүмүүс ажилд орох, бизнес эхлүүлэх боломжтой болж, эдийн засгийн идэвх нь нэмэгдэх өндөр ач холбогдолтой төсөл юм.

Сэтгүүлч

. Б.Хонгорсайхан