"Төрийн болон орон нутгийн өмчийн тухай хууль"-ийн шинэчилсэн найруулгын төсөл боловсруулах ажлын хэсгийнхэн өнөөдөр (2025.02.07) хуралдлаа.

Хуулийн төсөлд төрийн өмчийн харилцааг Үндсэн хуулийн нэмэлт, өөрчлөлтөд нийцүүлэх, хууль хоорондын зөрчил, хийдлийг арилгах, өмчийн бүртгэл, хяналтыг сайжруулах тухай тусгаж,  УИХ-ын хаврын чуулганаар өргөн барина.

Анх 1996 онд батлагдсан энэ хуульд өнгөрсөн 28 жилийн хугацаанд 38 удаа нэмэлт, өөрчлөлт оруулсан ч бодлогын томоохон шинэчлэл хийгдээгүй, учир дутагдалтай гэдгийг салбарынхан хэлдэг. Тиймээс төрийн болон орон нутгийн өмчийн ил тод, хариуцлагатай байдлыг хангуулж хууль, эрх зүйн асуудлыг тодорхой болгож, шийдвэрлэх шаардлагатай байгаа юм.