Гашуунсухайт боомт нь Монгол Улсын эдийн засагт стратегийн ач холбогдолтой түүхий эдийн гол экспортын гарц бөгөөд 2024 онд шинэчлэлийн бүтээн байгуулалтын ажлаа бүрэн дуусгах зорилт тавьсан. Засгийн газар энэ төслийг хэрэгжүүлснээр Монголын эдийн засагт томоохон нөлөө үзүүлэх бөгөөд экспортын хэмжээ эрс нэмэгдэх болно. Ерөнхий сайдын удирдлага дор, энэхүү шинэчлэлийн хүрээнд боомтод өндөр технологийн тоног төхөөрөмж нэвтрүүлж, тээвэр логистикийг сайжруулах зорилго тавигдсан.

Боомтод хийж буй шинэчлэлийн хүрээнд нүүрс экспортлох хүчин чадал 3 дахин, зорчигч, тээврийн хэрэгслийн нэвтрүүлэх чадвар 2 дахин нэмэгдэхээр байна. Үүний зэрэгцээ олон улсын жишигт нийцсэн ухаалаг хяналтын систем, рентген төхөөрөмж, ариутгалын байгууламж, гаалийн лаборатори зэрэг орчин үеийн тоног төхөөрөмжүүдийг нэвтрүүлэхээр Засгийн газар амжилттай ажиллаж байна.

2023 онд Гашуунсухайт боомт Монгол Улсын нийт нүүрсний экспортыг 60 орчим хувь, зэсийн баяжмалыг 50 орчим хувийг дамжуулсан. Шинэчлэл дууссаны дараа боомт нь нүүрс экспортлох 10 эгнээ, зэсийн баяжмалын 2 эгнээтэй болж, экспортын хүчин чадал шинэ шатанд гарна.

 Энэ бүтээн байгуулалтын ажлын үр дүнд Монгол Улсын эдийн засагт нөлөөлөх ач холбогдол нь тодорхой байна. Шинэчлэлийг амжилттай хэрэгжүүлснээр бид экспортын үйл ажиллагааг эрчимжүүлж, улс орныхоо эдийн засгийн өсөлтөд томоохон хувь нэмэр оруулах боломжтой. Засгийн газраас хэрэгжүүлж буй Гашуунсухайт боомтын шинэчлэлийн төслийг бүрэн хэрэгжүүлснээр бид экспортын гарцыг нэмэгдүүлж, дэлхийн зах зээлд Монгол Улсын оролцоог улам бэхжүүлэх болно.