Улаанбаатар хот, Боловсролын ерөнхий газар, Бүгд Найрамдах Солонгос Улсын Сөүл хотын Газар тариалан, далайн болон хүнсний бүтээгдэхүүний корпораци хамтран ажиллах гэрээг /2024.03.12/ байгууллаа.

Гэрээний зорилго нь Ерөнхий боловсролын сургууль, цэцэрлэгийн хоол үйлдвэрлэл, үйлчилгээг нэгдсэн тогтолцоогоор шийдэж буй БНСУ-ын сайн туршлагыг Монгол Улсын онцлогт тохирсон хэлбэрээр хэрэгжүүлэх явдал юм.

ХАМТРАН АЖИЛЛАХ гэрээний хүрээнд дараах чиглэлээр хамтран ажиллахаар боллоо. Үүнд:

• Сургууль, цэцэрлэгийн хүнсний хангамжийн одоогийн нөхцөл байдалд дүн шинжилгээ хийж хүнсний зах, бөөний худалдааны төвийг түшиглэн нэгдсэн хангамжийн төв байгуулах оновчтой хувилбар боловсруулах;
• Лабораториор хянагдсан бүтээгдэхүүнийг нийлүүлэх, хяналтыг сайжруулах хувилбар боловсруулах;
• Хоол үйлдвэрлэл, үйлчилгээний системийн хөгжүүлэлт хийх хувилбар боловсруулах /Захиалга, нийлүүлэлт, хяналт/;
• Хүүхдийн өсөлт хөгжилтөд нэн шаардлагатай, улирлын онцлогоос шалтгаалан дотоодоос нийлүүлэх боломжгүй түүхий эд бүтээгдэхүүнийг импортлох хувилбарыг боловсруулах /Эдийн засгийн үр өгөөжийг харьцуулах/

Сэтгүүлч

Сэтгүүлч Б.Хонгорсайхан