Барилгын хөгжлийн төвийн хамт олон өөрсдийн санал санаачилгаар  цус хандивлах аянд нэгдэж, Монгол Улсынхаа цусны нөөцийг тасалдуулахгүй байхад хувь нэмрээ орууллаа. 

Тус хамт олны хувьд 2018 оноос хойш жилд хоёр удаа цус хандивлах аяныг зохион байгуулдаг уламжлалтай. Энэ хүрээнд нэг ажилтан дунджаар 19 удаа цусаа хандивлаад байна. 

Цусаа өгч олон хүний амь аврах үйлсэд 17-60 насны хүн бүр нэгдэх боломжтой.

Нэг удаа 400 грамм цус өгснөөр гурван хүний амь авардаг.

Монгол Улсын хэмжээнд өдөрт 100 орчим донор цусаа өгч байж эмнэлгүүдийн тайван үеийн хэрэгцээг хангана гэж тооцоолдог. ДЭМБ-аас хүн амын гурван хувь нь байнгын донор байхад тухайн улс орон өөрийн орны цусны хэрэгцээг хангаж чадна гэсэн судалгааг гаргасан.

Жилээс жилд тогтмол хугацаанд цусаа өгдөг доноруудын тоо манай улсын хувьд нэмэгдэж байгаа бөгөөд цусаа өгдөг хүмүүс зүрх судас, хавдрын өвчлөлд өртөх эрсдэл бага байдаг.