Нийгмийн бодлого, боловсрол, соёл, шинжлэх ухааны байнгын хорооны хуралдаанаар Мянганы хөгжлийн зорилтууд болон ядуурлыг бууруулах асуудлын дэд хорооны даргыг томилох асуудлыг хэлэлцэлээ. Өмнө нь энэ дэд хорооны даргаар ажиллаж байсан УИХ-ын гишүүн Д.Арвин Байнгын хорооны даргад дэвшсэн тул түүний оронд УИХ-ын гишүүн Х.Бадамсүрэнг дэд хорооны даргаар томилох саналыг МАХН-ын бүлэг оруулж ирсэн юм.
Үүний дагуу хуралдаан оролцсон гишүүд хэлэлцээд,  100 хувийн саналаар Х.Бадамсүрэнг дэмжлээ.