Нүүрсний салбарын худалдаа, хөрөнгө оруулалтын “Coal Mongolia - 2018” олон улсын чуулга уулзалтын хүрээнд УУХҮ-ийн сайд Д.Сумъяабазар Bloomberg TV Mongolia телевизэд ярилцлага өгчээ. 

Д.Сумъяабазар: Энэ жилийн чуулганы онцлог нь Тавантолгойг олон улсын хөрөнгийн биржид гаргахаар бэлтгэл хийж буй цаг үетэй давхцаж байна. УИХ 2018 оны 6 сарын 29-ний өдөр 13-р тогтоол гаргаж нүүрсний томоохон энэхүү ордыг эдийн засгийн эргэлтэд оруулахаар болсон. Тавантолгойтой өрсөлдөхүйц хэмжээний орд дэлхийд байхгүй.