2012 оны УИХ-ын сонгуулийн тавдугаар тойрогт МАН-аас нэр дэвшигч УИХ гишүүн, ЗТБХБ-ын сайд Ц.Дашдорж өнгөрсөн өдрүүдэд Тайшир, Дэлгэр, Бигэр сум, Гуулин тосгонд ажиллаж, нийт малчид, хөдөлмөрчидтэйгээ уулзан, санал бодлыг нь сонслоо. Говь-Алтай аймагт 2009-2010 онд нүүрлэсэн зуднаар олон малчин амьдралынхаа гол амьжиргаа болсон малаа алдсан. Энэ үеэр аймгийн хэмжээнд 800 гаруй мянган толгой мал хорогдсон.

Энэ хүнд үед “Эрдэнэт сүрэг эзнээ баясгана” малжуулах хөтөлбөрийг санаачлан амжилттай хэрэгжүүлсэн Ц.Дашдорж гишүүнээ дээрх сумдын иргэд халуун дотноор хүлээн авсан юм.

Сүүлийн хоёр жилийн хугацаанд иргэдээ малжуулсан 16100 толгой мал нь өнөөдөр 40 гаруй мянга болон өсөөд байгааг нутгийн түшээтэйгээ иргэд уулзах үеэрээ хэлж байлаа.

Мөн малчдын зөвлөгөөнөөс эхлээд хийсэн зүйл нь байнга ажил болж хэрэгжиж үр дүнгээ өгдөг нэр дэвшигчдээ хөдөөгийнхөн тулгамдсан асуудлаа ярьж санал хүсэлтээ илэрхийллээ.

Ц.Дашдорж сайд ч өнгөрсөн хугацаанд хийж хэрэгжүүлсэн ажлаа хөдөөгийнхөндөө тайлагнахын хамт эрчимжсэн болон уламжлалт бэлчээрийн мал аж ахуйг хослуулан хөгжүүлнэ. Хөдөөгийн усан хангамж, хүрэлцээг сайжруулж бэлчээр усжуулалтыг нэмэгдүүлнэ гэсэн байна. Мөн МАН-аас хийх бүтээн байгуулалтын ажлын талаар танилцуулсан. Тэрээр хийсэн ажил их, хийх ажил ч түүнээс их байгааг онцлоод Алтайчуудтайгаа хамтраад бүтээснээсээ ихийг бүтээхээ илэрхийлсэн юм.