УИХ-ын гишүүн, Байгаль орчин, хүнс хөдөө аж ахуйн байнгын хорооны дарга Г.Баярсайхан Ерөнхийлөгчийн засаглалтай улс болохыг хүсдэг гэнэ. Тэрбээр өчигдрийн Байгаль орчин, хүнс, хөдөө аж ахуйн байнгын хорооны хуралдааны үеэр энэ талаар санаагаа илэрхийлээд авна билээ.

Г.Баярсайхан гишүүн хурал даргалах үедээ “Монгол Улс Ерөнхийлөгчийн засаглалтай орон”  хэмээн андуурч хэлснээ “Монгол Улсын Ерөнхийлөгчийн тамгын газар” гэж залруулсан. Түүний андуурсан явдлыг зүгээр нэг хэл нь халтираад хэлчихээгүй байх гэж үзэх улстөрч байгаа юм.

Монгол Улс Ерөнхийлөгчийн засаглалтай байх нь асуудлыг олон талд бус нэг дор төвлөрүүлэх, нэгдсэн бодлого гаргаж ажиллах сайн талтай гэж үзэх эрхмүүд байдаг. Г.Баярсайхан гишүүн энэ талаар Ерөнхийлөгч Ц.Элбэгдоржтой ойр зуураа ярилцаж, зөвлөлддөг байх гэсэн таамаг байна. Түүнээс гэнэт л түүний амнаас  “Монгол Улс Ерөнхийлөгчийн засаглалтай орон” хэмээн ам алдахгүй байсан болов уу. Г.Баярсайхан гишүүн Ерөнхийлөгчийн засаглалтай болохыг зорьж явдаг бололтой.