Монгол Улсын Засгийн газар, иргэдийн шууд харилцааг тогтмол болгож, харилцан санал, мэдээлэл солилцож байх үүднээс Засгийн газрын гишүүд, холбогдох байгууллагын удирдлага, албан тушаалтнууд олон нийттэй тогтмол интернэтээр, тодруулбал "Нээлттэй засаг" сайтаар ярилцлага хийж байгаа билээ. Хоёр долоо хоног тутам хийдэг интернэт ярилцлагын энэ удаагийнхтай Нийгмийн хамгаалал, хөдөлмөрийн сайд Ц.Баярсайхан оролцож, Та бүхний сонирхсон асуулт бүрт хариу өгөн санал солилцож, илэн далангүй ярилцана.
2005 оны нэгдүгээр сарын 28-ны баасан гаригт 17.00-18.00 цагт www.open-government.mn хаяг бүхий "НЭЭЛТТЭЙ засаг" сайтын чатын өрөөнд Таныг хүлээж байна гэж Засгийн газрын Хэвлэл, мэдээллийн албанаас мэдээллээ.