Нийтийн бие засах газарт хоёроос дээш ялаа байх "эрхгүй". Хэрэв үүнээс олон ялаа "цуглуулбал" торгууль төлнө. Энэ бол өнгөрсөн тавдугаар сараас БНХАУ-ын нийтийн бие засах газруудад мөрдөж эхэлсэн журам. ВВС-гийн мэдээлснээр Бээжин хотын мэргэжлийн хяналтынхан cap бүр нийтийн бие засах газруудаар явж, ялааны "тооллого" хийх бөгөөд журам зөрчсөн газарт өндөр торгууль тавих гэнэ. Нэг эмэгчин ялаа 4-5 хоногт 500 хүртэл өндөг гаргадагтай холбоотойгоор ийм журам гаргасан уу, ямартай ч үүнээс олон ялаа байлгавал торгууль төлөх аж. Ийм арга хэмжээг зөвхөн Бээжинд ч биш, Цянси мужийн Наньчан хотын захиргаа хэрэгжүүлж байгаа. Гэхдээ тэндхийн нийтийн бие засах газрын нэг өрөөнд гурван ялаа байж болох гэнэ.