Соёл, спорт, аялал жуулчлалын сайд Ц.Оюунгэрэл «Тиранозаурус Батаар» үлэг гүрвэлийн яснаас болж ихэд харамсаж яваа гэнэ. Учир нь монголчууд өөрсдөө ч мэдээгүй байхад хаа холын АНУ-д «Батаар»-ын уг гарвалыг нь судлаад мэдчихсэн, үнэд хүргээд зарах гэж байсан билээ. Ингээд үүх түүхийг нь сайн мэдэхгүйгээс хил дамнуулаад явуулчихсан олдворынхоо араас гэнэт ухаарсан мэт баахан арга хэмжээ авсан. Тиймээс цаашид соёлын өв гэж чухам юу болох, яаж хамгаалах талаар нэлээд дорвитой ажил хийнэ хэмээн салбарын шинэ сайд ам алджээ.