Нийслэлийнхний нүдэн дээр хийж байгаа энэ ажлыг хэрэгжүүлснээр Улаанбаатар хот бага ч гэсэн тоосноосоо сална. Агаарын тоосонцор багасч чийгшинэ гэж мэргэжилтнүүд үзэж төслийн ажлыг эхлүүлсэн юм.

Мөн усны толио үүсгэх зориулалт бүхий гурван тунгаагуурыг хийж дуусчээ. Удахгүй хөрсний усыг тусгаарлах материалыг дэвсэж хайргаар бүрхсэний дараа голын усыг урсгаж эхлэх юм байна.

Голын хоёр талаар тарих мод бутыг Сэлэнгэ аймгаас захиалж авахаар болжээ. "Сэлбэ" төслийн менежер Ц.Одхүү наадмын өмнөхөн Сэлбэ голын тодорхой хэсэг газраар тогтмол урсаж эхэлнэ гэв.