ОССК-ийн барьж байгаа "Буянт-Ухаа" цогцолборт хийсэн судалгаа болон барилгын гол 550 нэр төрлийн бараа бүтээгдэхүүнд хийсэн судалгаан дээр үндэслэн индексжүүлсэн судалгаагаар орон сууцны м/кв-ын бодит үнэ 850 мянган төгрөг байгаа нь харагджээ. Барилгын компаниудын зардал харилцан адилгүй боловч дээрх хөтөлбөрт хамрагдах орон сууцны м/кв-ийн үнэ 980-1.1 сая төгрөг байх боломжтой гэж Засгийн газар үзсэн байна. Тиймээс үнэ хөөрөгдөж байгаа, өндөр үнэ санал болгож буй компаниудыг "100 мянган айлын орон сууц" хөтөлбөрт хамруулахгүй гэж ЗТБХБЯ-наас мэдээллээ.