Улсын Их Хурлын Чуулганы өнөөдрийн /2025.04.17/-ны өдрийн хуралдаанаар Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.03.28-ны өдөр өргөн мэдүүлсэн, хэлэлцэх эсэх/-ийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ. 

УИХ-ын гишүүн Л.Соронзонболд:

Татвар өөрчлөлт оруулах тухай хуулийн төслийг дэмжиж байгаа. Өнөөдөр зах зээлийн нөхцөл байдалд борлуулалтаа нэмэгдүүлэх зорилгоор хуулийн төслийг оруулж ирж байна гэж үзэж байгаа. Ялангуяа дотооддоо баяжуулах үйлдвэрт нүүрсээ борлуулах боломжийг олгож байгаа нь чухал юм. Өөрөөр хэлбэл баяжуулсан нүүрсний экспорт нэгдүгээрт, чанар мууддаггүй, хоёрт борлогдох боломж нь илүү байна гэж харж байгаа. Нөгөө талдаа анхаарах асуудал юу байна вэ гэхээр олон улс руу худалдааны нөхцөлөөр уурхайн амнаас, хилийн талбай дээр, хилийн цаана гээд аль ч нөхцөлөөр борлуулах боломж байх ёстой. Тиймээс олон улсын худалдааны нөхцөлөөр борлуулна гэдэг нь "зөв". Гэхдээ анхаарах асуудал бий. Учир нь олон улсын худалдааны нөхцөлөөр хэрвээ тухайн гэрээнд заасан бүтээгдэхүүнийг, тухайн чанараараа тухайн хүн дээр нийлүүлж чадахгүй эргээд хариуцлагын асуудал үүсдэг.

Цаашдаа УИХ хуулийн төслийг хэлэлцэхийг дэмжих юм ажлын хэсэг нь анхаарах ёстой. Дээрээс нь худалдааны нөхцөлөөр уурхайн амнаас хилийн талбай, хилийн цаана гаргаж байгаа бүхэн дээр үнэ стандарт байх ёстой. Зайнаас хамаараад гарч байгаа зайлшгүй стандарт зардлуудаар л үнийн зөрөө гарах ёстой болохоос уурхайн амнаас авч байгаа нь хэт бага, хилийн цаадах нь хэт өндөр үнэтэй байж болохгүй.

Сэтгүүлч

Сэтгүүлч Б.Хонгорсайхан