Соёлын фестивальд Д.Данзанравжаагийн нэрэмжит Саранхөхөө театрын 15 уран бүтээлч Монгол улсаа төлөөлөн 2023 оны 10 дугаар сарын 06-наас 10 дугаар сарын 10-ны өдрүүдэд оролцохоор боллоо. Тус соёлын фестивальд МОНГОЛ, ЯПОН, БНХАУ, БРАЗИЛ, ВЬЕТНАМ, БНСУ-ын уран бүтээлчид үндэсний соёл, уламжлалаа сурталчлан таниулах юм.

Энэхүү фестивальд оролцоход шаардлагатай санхүүжилтын асуудлыг УИХ-ын гишүүн Б.Дэлгэрсайхан, Т.Энхтүвшин нар шийдвэрлэж өгч, дэмжлээ. Гишүүд энэ жил Говийн 5-р ноён хутагт Д.Данзанравжаагийн мэлмий гийсний 220 жилийн ой тохиож байгаа бөгөөд тэгш ойг тохиолдуулан Монгол улсаа олон улсад сурталчлах гэж буй авьяаслаг уран бүтээлчдэдээ амжилт хүссэн юм.