Цахим шилжилтийн бодлогыг эрчимжүүлэх хүрээнд Инновац, цахим бодлогын байнгын хорооноос ээлжит уулзалтыг 2023 оны дөрөвдүгээр сарын 06-ны өдөр  Мэдээлэл, технологийн үндэсний паркт  зохион байгууллаа.

Уулзалтад  УИХ-ын гишүүн, Инновац, цахим бодлогын байнгын хорооны дарга Э.Батшугар, УИХ-ын гишүүн Н.Ганибал нар оролцож, инкубатор төвүүдэд бойжиж буй гарааны бизнес эрхлэгчидтэй уулзаж, хөрөнгө оруулалт болон хууль эрхзүйн орчныг сайжруулах талаар санал солилцов. 

Мэдээлэл, технологийн үндэсний парк нь  2002 оноос хойш инкубаторын элсэлтийг 46 дахь удаагаа авч, 1000 гаруй бүтээгдэхүүн үйлчилгээг зах зээлд гаргажээ. Мэдээллийн технологийн салбарын гол инкубатор байгууллагын хувьд  олон улсын жишгээр, шинэлэг, хүртээмжтэй байдлаар хөгжих зорилт тавьж байна.   

Мэдээллийн технологийн салбарын хамгийн том арга хэмжээ болох “ICT-Expo 2023” ирэх зургадугаар сард болно. Тус арга хэмжээг олон улсад сурталчлах, хөрөнгө оруулагчдын анхаарлыг хандуулах,  бодлогын шийдвэр гаргахад Байнгын хорооноос дэмжиж,  хамтран ажиллахаар боллоо.

Сэтгүүлч

Сэтгүүлч Б.Одончимэг odnoo@vip76.mn