"Нандин бүхнээ хамгаалъя-өөрийгөө, гэр бүлээ, орчин тойрноо" уриан дор зохион байгуулж буй Жендерт суурилсан хүчирхийлэлтэй тэмцэх 16 хоногийн аянд “Улсын бүртгэлийн байгууллага”-ын хамт олон нэгдлээ.

Дэлхийн 180 гаруй оронд жил бүрийн 11 дүгээр сарын 25-наас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлдэг.

Манай Улс 1998 оноос тус аянд нэгдсэн. Энэ жил Монгол Улсын Засгийн газар Жендэрийн үндэсний хорооноос НҮБ-ын Хүн Амын Сангийн дэмжлэгтэйгээр зохион байгуулж, “Нандин бүхнээ хамгаалъя –Өөрийгөө, гэр бүлээ, орчин тойрноо” уриан дор үндэсний хэмжээнд тэмдэглэж байна.

Энэ жилийн 16 хоногийн аяны гол зорилго нь жендэрт суурилсан хүчирхийллийн асуудлыг анхаарлын төвд авчрах бөгөөд “Нандин бүхнээ хамгаалья", "Өөрийгөө, гэр бүлээ, орчин тойрноо” гэсэн ерөнхий сэдэв уриан дор “Хүчээ урвуугаар биш зөвөөр ашигла” болон “Эрхэм бүхнээ нандигная” эмэгтэй, эрэгтэй хүмүүсийг өөр өөрийн амьдралдаа эзэн болж, улам сайн сайхан амьдрахын төлөө эерэг арга замыг сонгож, бие биедээ ижил тэгш, хүндлэлтэй хандахыг уриалж байгаа юм.