Өнөөдөр /2019.05.28/ Өргөдлийн болон Байгаль орчин, хүнс, хөдөө аж ахуйн байнгын хороо хамтран хуралдаж, Туул голын ойр орчимд олгосон түгээмэл тархацтай ашигт малтмалын хайгуулын болон ашиглалтын тусгай зөвшөөрлийн талаарх Нийслэлийн Засаг дарга бөгөөд Улаанбаатар хотын захирагчийн мэдээллийг сонслоо.

Энэ үеэр УИХ-ынх гишүүн Д.Сарангэрэл:

Өргөдлийн байнгын хороо энэ асуудалыг 8 жил хэлэлцэж байгаа ч А.Сүхбат гишүүний хэлдэгээр голын хайргыг шөнөөр олборлодог асуудал одоо хүртэл байгаа. Байгаль орчин, мөн тэнд амьдарч байгаа ард иргэдэд эрүүл мэндэд хор хөнөөл учруулж байгаа.

Өргөдлийн болон Байгаль орчин, хүнс, хөдөө аж ахуйн байнгын хороо хамтран өмнөх шийдвэрүүдийг бататгасан чангаруулсан, нэлээд ажил хэрэг болгох ийм тогтоолын төслийг оруулж ирээд шийдэл хайж байгаад талархалтай байна. Хамгийн гол нь гаргасан шийдвэрээ хэрэгжүүлэхэд анхаарч хяналтаа сайжруулах нь зүйтэй. 

Уулнаас хайрга дайрга олборлох юм бол өртөг, зарлага өндөртэй гэсэн тайлбар тавиад туул гол орчмоос ихэнхдээ голоос хайрга олборлоод байсан. Тэгэхээр аж ахуйн нэгжийн эрх ашгийг бодоод ундны усаа үл тоож болохгүй. Бид ирээдүйд байшин уух уу алт уух уу? Дахин дахин хэлэхэд хяналт бас дахин хяналт шүү.