УИХ-ын гишүүн, Нийслэлийн Ардчилсан Намын дарга С.Эрдэнэ, Нийслэлийн Ардчилсан Намын зөвлөлдөх хорооны гишүүн Ж.Батзандан нар өчигдөр сэтгүүлчдэд мэдээлэл хийлээ.Тэд НҮБ-аас зарласан Олон улсын ардчиллын өдрийн мэндийг ардчиллыг жинхэнэ утгаар нь хөгжүүлж ирсэн мянга, мянган гишүүддээ дэвшүүлсний дараа өнгөрөгч 10-ны өдөр тохиосон Хэлмэгдэгсдийн өдрийг тохиолдуулан Ардчилсан 1 намын дарга Н.Алтанхуягийн ард түмнээсээ уучлалт гуйсан явдлыг эрс буруушааж буйгаа илэрхийлж уриалга гаргаснаа дуулгав.

Ардчилсан нам өнгөрсөн 20 жилийн хугацаанд үйл ажиллагаагаа явуулахдаа ард түмнээ хэлмэгдүүлсэн зүйл oгт хийж байгаагүй. Тийм байтал намын дарга дур мэдэн намын нэрийг барьж мэдэгдэл хийлээ хэмээн онцлон хэлсэн юм. Түүнчлэн Монголын төр их хэлмэгдүүлэлтийн шуурганд өртсөн ард иргэдээсээ өмнө нь нэг удаа уучлалт гуйж байсан ч түүнээс хойш хэлмэгдүүлэлтийн үйл явц арилаагүй. Үүний жишээ нь 2008 оны долдугаар сарын 1-ний үйл явдал билээ. Гэтэл өнөөдрийг хүртэл тэрхүү үйл явдлын хариуцлагыг хэн ч хүлээгээгүй байгааг дурдлаа. Тиймээс жинхэнэ уучлалт гуйх ёстой нь Ардчилсан нам бус ардчиллын нэрэн дор нуугдаж байгаа парламентад олонхийн суудал авсан МАХН байх ёстой гэлээ.

Ийнхүү хийгээгүй хэргийнхээ төлөө Ардчилсан намын удирдлага уучлалт гуйж байгаа нь МАХН-тай өвөр түрийдээ орж, муу муухайг нь хаацайлж байгаа нь ёс зүйгүй алхам хэмээн Нийслэлийн Ардчилсан намынхан үзэж байгаа гэнэ. МАХН харин уучлалт гуйхын оронд нэр хаягаа сольж, зүүний бурангуй бодлогоо өөрчлөн улс төрийн хариуцлагаас зайлсхийхийг санаархаж байна хэмээсэн юм. Тэрээр намын даргынхаа мэдэгдлийн тухайд "дур мэдэн" хэмээн онцолсон.

Учир нь Ардчилсан намын нэрийн өмнөөс raprax улс төр, эдийн зас гийн талаарх шийдвэр, мэдэгдлийг намын Гүйцэтгэх зөвлөлийн хурлаар хэлэлцэж байж шийдвэрлэдэг байна. Гэсэн ч энэ удаагийн намын даргын уучлалт гуйх асуудлыг огт авч хэлэлцээгүй, яригдаагүй зүйл байсан хэмээн хэллээ.Нийслэлийн ардчилсан намынхан уриалгад "Төрж өссөн нутатаа Монгол хүн айх аюулгүй амар тайван амьдарч, улс орноо хөгжүүлэхийн төпөө 1990 оны ардчилсан хувьсгалд нэгдсэн шигээ улс төрийн сонор сэрэмжтэй байж Ардчилсан намтай шударга ёсны төлөө хамтдаа тэмцэхийг уриалж байна" гэжээ.