Ээдрээт хэргийн гэрч болох “Жаст”-ын гэх тодотголтой Ш.Батхүүгийн амь нас, эрүүл мэндийг хэн  хамгаалах вэ? гэсэн асуудал тулгараад байгаа юм. Цагдан хоригдож байгаа Ш.Батхүүгийн биеийн байдал өдөр ирэх тусам муудсаар байгаа гэдгийг эх сурвалжууд онцолж байна. Энэ талаар АН-ын бүлгийн дарга С.Эрдэнэ үзэл бодлоо илэрхийлэв.

АН-ын бүлгийн дарга С.Эрдэнэ: Хүний эрүүл мэнд аюулгүй байдлыг хангах нь төрийн үүрэг юм. Эрх бүхий байгууллагууд энэ асуудалд анхаарах байх гэж үзэж байна. Гэрч болон хэрэгт холбогдогчдыг хамгаалах хуультай. Хуулийнхаа дагуу ажиллах байх.

Улс төрийн намууд болон нөлөө бүхий улс төрчдийн оролцоотой хэрэг байх магадлалтай учраас түүнийг хороох эсвэл эрүүл мэндэд нь нөлөө үзүүлж нь болох талтай гэдгийг улс төр судлаачид сануулж эхэлсэн байна.