Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг анхны хэлэлцүүлгээр баталлаа.

Ингэснээр үндэсний бөх Далай аварга цолгүй болж буй. “Начны найрааг дэвжээн дээр, аваргын найрааг УИХ-д хийж байна” хэмээн шүүмжлүүлсэн уг хуулийн хэлэлцүүлэгт “ашиг сонирхлын зөрчилтэй” гээд УИХ-ын гишүүн Д.Сумъяабазар, Б.Бат-Эрдэнэ нар оролцсонгүй.

Өмнө нь Дээд боловсролын санхүүжилтийн тухай хуулийг хэлэлцэх үеэр “Аварга” дээд сургуультай холбоотойгоор Б.Бат-Эрдэнэ гишүүн мөн санал хураалтад оролцолгүй, танхимыг орхиж байсан удаатай. Монголын парламентын түүхэнд хуруу дарам цөөн тохиолдсон энэ мэт үйлдэлд Б.Бат-Эрдэнэ гишүүн ийнхүү нэг биш удаа холбогдож, жишиг тогтоолоо. Б.Бат-Эрдэнэ гишүүн шиг бай л даа.