“Жижиг дунд үйлдвэрийг дэмжих сан”-гаас олгогдож буй хөнгөлттэй зээлийн үр дүнг сайжруулах, иргэдийн амьжиргаанд бодитоор нөлөөлдөг, ажлын байр, өрхийн орлого нэмэгддэг байгаасай гэдэг үүднээс зээл олголтын дэлгэрэнгүй мэдээллийг нийтэд ил болгон, иргэд хяналт тавих боломжийг олгох нь зүйтэй гэж үзсэн. Иймээс “Ховдын мэдээ” сонины 12-р сарын 10-ны өдрийн 30-р дугаарт нийтлүүлсэн юм. Зээл авсан этгээд зээлээ зориулалтын дагуу зарцуулж байна уу, ажлын байр бий болгож байна уу зэрэгт ард иргэд та өөрсдийн хяналтаа тавьж, шударга бус үр дүнгүй үйл ажиллагааны талаар аймгийн ХХААХҮ-ийн газарт мэдээлэх боломжтой болж байна.