Төсөл хэрэгжсэнээр шинэ турбины уурын зарцуулалт буурах бөгөөд нэгж бүтээгдэхүүний өртөг буурахаас эхлээд байгаль орчинд үзүүлэх сөрөг нөлөөллийг 30 хүртэл хувиар бууруулах ач холбогдолтой ажээ. Тиймээс “Дарханы ДЦС” төрийн өмчит хувьцаат компани ХБНГУ-ын КИ ЭФ ДАВЛЮ банкны хөнгөлөлттэй зээлийн хүрээнд 35 мегабаттын хүчин чадал бүхий шинэ уурын турбин суурилуулах төслийг хэрэгжүүлэх ажил дөрөвдүгээр сарын 01-ний өдөр эхэлж байна.

Шинэ уурын туриныг суурийг тавихаар ЭБЭХЯ-ны сайд Д. Зоригт, УИХ-ын гишүүн Ж.Сүхбаатар, ЭБЭХЯамны Төрийн нарийн бичгийн дарга Д.Хүрэлбаатар, Эрчим хүчний бодлогын газрын дарга Т.Цэрэнпүрэв, Эрчим хүчний газрын дарга Ц.Баярбаатар Эрдэнэбилэг ХБНГУ–ын элчин сайдын яамны дэд хурандаа, Батлан хамгаалахын орлогч атташе, өмгөөлөгч Маркус Райнберг, ОХУ–аас Дархан–Уул аймагт суугаа ерөнхий консул Мостыка Иван Сергеевич болон төрийн өмчит компанийн Төлөөлөн удирдах зөвлөлийн гишүүд Дархан хотод ажиллав.

Эрчим хүч дулааны хэрэглээг бүрэн хангаснаар Дархан–Уул аймгийнхны цахилгаан дулаан, эрчим хүч, цэвэр халуун усны хэрэглээг найдвартай хангах боломжтой болж байгааг онцолж байгаа юм. Мөн цаашид баригдах олон арван үйлдвэрүүдийг эрчим хүчээр хангаж , үйлдвэрлэлээ дагаад ажилгүйдлийг бууруулахаар ажиллаж байгаагаа аймгийн засаг дарга мөн энэ үеэр хэлж байлаа.