УИХ-ын чуулганы /2025.04.04/-ний өдрийн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай хобогдуулан гишүүд асуулт асуулаа.

УИХ-ын гишүүн Н.Алтаншагай:

Энэ хууль батлагдаж, шинэчлэгдсэнээр цахим мөрийтэй тоглоом бооцоот тоглоомоос үүсэх нийгэм эдийн засгийн сөрөг нөлөөллийг бууруулахад ач холбогдолтой гэж үзэж байгаа. Цахим, бооцоот мөрийтэй тоглоом бол технологид суурилсан нийгэмд шинээр үүсэж байгаа, тулгамдсан асуудлуудын нэг. Үүнийг хориглож болно. Эргээд яаж энэ сөрөг нөлөөллийг багасгах вэ? Яаж урьдчилан сэргийлэх соён гэгээрүүлэх ажлуудыг хийх вэ?

Цахим карт ашиглаад, далд хэлбэрт шилжих боломж бүрдэх ийм аюултай. Үүн дээр ямар нэгэн тооцоо судалгаа байна уу? Цахим тоглоом, цахим казино зэргийг бооцоот спортын бооцооноос ялгах уу. Мөн телевиз болон сайт, лайвуудаар сугалаанууд маш ихээр зохион байгуулагддаг болсон. Сугалаагаар дагнасан телевизийн хөтөлбөрүүд ч байна. Үүн дээр ямар арга хэмжээ авах вэ? Энэ бол амар арга хялбараар мөнгө олох гэсэн энэ төрөл рүү орж байгаа.

Түүний асуултад УИХ-ын гишүүн Н.Учрал хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn